Connect with us

Hi, what are you looking for?

scandal

Akazviuraya ‘chimoko’ chaenda nemukorokoza

MUKOMANA aive nemakore 17 okuberekwa aigara papurazi reSprings Farm, kuUmguza, kunze kweguta reBulawayo, anonzi akazvidamburira upenyu hwake panzira apo akazvikanda mudhamu ndokuny’ura mushure mekunge musikana wake amuramba ndokunodanana nemukorokoza.

Mutauriri wemapurisa kuBulawayo, Inspector Abednico Ncube vanotsinhira nyaya iyi.

“Tiri kuferefeta nyaya yemukomana aive nemakore 17 okuberekwa uyo akawanikwa mutumbi wake wakayangarara pamusoro pemvura mudhamu kuSprings Farm iri kuUmguza, kunze kweguta reBulawayo,” vanodaro Insp Ncube.

Mumwe wemhuri yemukomana uyu anoti Mthabisi Joel Nkiwane akarwadziwa mushure mekunge chido chemwoyo wake chahwapurwa nemukorokoza.

Mthabisi anonzi nemusi weSvondo wadarika pamberi, apo airwadziwa nekutorerwa musikana wake, akabva pamba mangwanani achiti ainogerwa musoro.

Anonzi haana kumbobvira aenda kunogerwa musoro sekutaura kwake, asi kuti akabva ananga kudhamu.

“Vabereki vake vakazotanga kushushikana mushure mekunge asina kudzoka kumba zuva iri ndokubva vamhan’ara kumapurisa,” anodaro.

Anoenderera mberi achiti, “Apo vanhu vemunharaunda vaimutsvaga, vakazoona mutirauzi wake nechikepisi zviri mamita mashoma kubva padhamu iri. Mushure mekunge vatarisisa panzvimbo iyi, vakaona mutumbi wake wakayangarara pamusoro pemvura mudhamu.”

Vanhu vakazomhan’ara nyaya iyi kumapurisa ndokubva mutumbi wake wazoburitswa mudhamu nevechikamu cheSub-Aqua chiri pasi peZimbabwe Republic Police.

Mumwe ari kuona nezvekuferefetwa kwenyaya iyi anoti Mthabisi akasiya anyora tsamba achitsanangura kuti akazviuraya nekuti akange arwadzihwa zvakanyanya nekutorerwa musikana wake.

“Tsamba iyi yaitsanangura kuti aive agurwa kunorira zvichitevera kutorerwa kwaakaitwa musikana wake uyo aidisisa. Akatadza kuzvitambira ndokubva afunga kuzviuraya,” anodaro.

 

 

Click to comment

Leave a Reply

Your email address will not be published. Required fields are marked *

Advertisement

You May Also Like

scandal

The Corona virus lockdown has various effects on people. A sex-starved Mabvuku Tafara lady has cried out for help as lockdown bites hard. A...

Celeb News

Late businessman Genius ‘Ginimbi’ Kadungure’s friend largely known as Kabila ‘Hustler’ has died allegedly from covid-19. Messages circulating on social media shows the ‘Mbinga’...

Celeb News

Popular radio personality Misred has apologized to pole dancer Beverly Sibanda. The Kune Rima video vixen took to social media to apologize to Bev...

News

Video vixen on Jah Prayzah’s Munyaradzi song has passed on. The video vixen passed on alongside Ginimbi’s other two friends. Ginimbi’s PA confirmed the...

error: Content is protected !!